الأربعاء، 10 ديسمبر 2014
مراجعة : اساس ستار من ديور - DIOR STAR Foundation Review
اساس ستار من ديور , نزل قبل فترة مع اسفنجة خاصه له شبيهه بشكل كبير لبيوتي بلندر *الأسفنجة للأن مالقيتها وعلى اساس انزل التدوينه لما القاها بس فقدت الأمل :(*
- يحتوي اساس ستار على جيل جديد من حبيبات السيليكا الي بدورها تزيد من فعالية الضوء على البشرة لتعمل على اخفاء العيوب بأحترافية لأطلالة كالنجمات
- يعمل ايضا على تنظيم صبغة الميلانين داخل البشرة لتجنت البقع الداكنة
- لما نحتاج اساس لجلسة تصوير ف من البديهي ان نبتعد تماما عن اي اساس موجود فيه spf
الا ان اساس ستار غير مع وجود spf الا انه مايعطيك لون فاتح نفس الأساس الي فيه spf
- شبه مطفي ويعكس الأضاءه بشكل ناعم وجميل ع الوجه
- ثباته جدا عالي لأكثر من 8 ساعات ولايتكتل او يبين الخطوط او المسامات وغيره , ولا يحتاج تثبيته لا ببودرة ولاشي
- بشرتي عادية وكثير سألو هل يناسب البشرة الدهنيه او لا ؟
لما بحثت الأغلب بيقولو انه بيناسب البشرة الدهنية كمان
- يتوفر 16 درجة منه
تجربتي معاه :
اول شي اخذت درجة 32 اعطتني هو غلط ماضن انه الي جربته بالمحل لأنه على وردي وبيج ف مايناسبني انا
اول ماحطيته كان تكه فاتح واحس في شي غلط غير الدرجة ف انتبهت انه على وردي ومايناسبني
قمت غمقته ببودرة وضبطته وضبط شوي معي , من حسن الحظ انه جا مضبوط مره على بنت خالتي ف أخذته واشترت لي بداله واحد
طبعا المره الي بعدها رحت فيسز وجربت واعجبتني الدرجة وقمت طلبته من نوردستروم
مره اعجبني يوم استخدته , خفيف جدا جدا ع البشرة لدرجة ماتحسي نفسك حاطة شي !
الحلو فيه كمان انه تغطيته من وسط لثقيل
وكمان تقدري انتي تتحكمي في تغطيته كل ماتبغيه اكثر تزيدينه
وكمان اللوك الي طالع اللحين شبه مطفي فالأساس يعطيك بشرة نظيفه بأضاءه خفيفه وناعمه
ينفع للمناسبات وينفع للصبح كمان
- شكل علبته انيق زي اغلب علب اساس ديور و 30ml نفس اساسات ماك وشانيل .
- حبيت توزيعه بالفرشة والأسفنجه اكثر من اليد , يمكن لأني ماعرف اوزع بيدي صح -ونفسي اجرب اسفنجته احسها بتكون بيرفكت-
انصح اللي تبغي اساس واحد للصباح والمناسبات الخفيفه والعزايم وغيره تشتريه لأنها تقدر تتحكم بتغطيته
تقيمي له : 10/10
سعر الشراء : 50$ من نوردستروم
فيسز : 245 تقريبا .
لو حابين تشوفو روتيني بالأساس من هنا :
http://soosmakeup.blogspot.com/2014/10/my-current-foundation-routine.html
* twitter & Instagram: @soosmakeup
الأحد، 5 أكتوبر 2014
My Current Foundation Routine - روتيني الحالي في الأساس
صباح الخير
كيف حالكم ؟
اليوم بتكلم عن الأساس وعن روتيني اليومي فيه .
بالنسبه لي اهتم جدا ب أن بشرتي تطلع بمنظر صحي وطبيعي جدا ,
وبتكلم اول شي عن اخطاء كثير يسونها لما يجون يشترون اساس
اول شي الأساس في منه نوعين نوع يجي بيج ونوع وردي
يعني اول ماتلاحظي ان الأساس قلب رمادي معناته اخذتي الي ما يناسب بشرتك ,
طيب كيف اعرف انا ايش يناسبني الأساس الي على بيج او على وردي ؟
لازم تعرفي الأندرتون تبعك من عروق يدك لو كان لونها اخضر زيي $* يعني بشرتك دافئه ولو زرقا يعني باردة ولو الثنتين يعني محايدة
ف لما تجي تاخذي لك اساس لو عروقك خضرا تاخذي البيج لو عروقك زرقا تاخذي ع وردي لو محايدة ممكن تناسبك الاثنين وممكن ماتناسبك وتخلطي بيج ع وردي ويجي معك تمام او تاخذي اساس لونه ع زيتي
, وكمان من الأغلاط الي منتشره ان الاساس الي على وردي يعطي بشرتك منظر صحي ومورد وهذا خخطا لو بشرتك دافئه ابدا مابيناسبك ويقلب معك ع رمادي .
ايضا نفس الشي مع الكونسيلر تاخذي اللي يناسبك وتاخذي نفس لونك ماتخذي لا اغمق ولا افتح
كيف اختار الكونسيلر المناسب لبشرتي ؟
اول شي تشوفي نوع بشرتك وثاني شي تشوفي هالاتك هل هي خفيفه او ثقيلة وعلى اساسها تاخذي الكونسيلر
لو ثقيله تحتاجي مصحح اورنج قبلها وفي ماركات كثير تبيعها مثل : فور ايفر , بوبي براون
تقدري تستخدي روج اورنج او بلاشر كريمي لكن افضل مصحح مخصص للعين افضل
لو ابغى اضاءه تحت العين هل اخذ كونسيلر افتح مني .؟
لا تاخذي كونسيلر يكون هايلايتر + كونسيلر بنفس الوقت
زي كونسيلر ريميل بيرفكشن و كونسيلر شانيل eclat lumer وانا عن نفسي اشوف ريميل افضل من شانيل .
كيف اختار الكونتور المناسب ؟
الكونتور هو الي يحدد الوجه ولازم يكون لونه ع رمادي مو على اورنج لان الي على اورنج برونز مو كونتور
افضل الكونتور بالنسبه لي بهاما ماما والكريميه كونسيلر من مابيلين
اي خطاء كمان تشوفو بنات كثير بيسووهه اكتبوه بالتعليقات تحت $
اول شي لازم تنظفي بشرتك كويس قبل احط اي شي على وجهي
اول شي برايمر ماك احبه للصباح وللدوام لان فيه حماية من اشعة الشمس بنسبه 50%
ثاني شي برايمر أستاي فلولس من بينفيت احب استخدمه لو ابغى اساسي يثبت ل 15 ساعه واكثر غالبا ماستخدمه بشكل يومي لأن دوامي مايتعدى 4 ساعات ف ما احتاج انه يثبت معي اكثر
ثالث شي ايدليست للمسام من استي لودر اغسل وجهي واحطه على طول الصبح وبعدها برايمر ماك وانتظر خمس دقايق
بعدها ابدا واوزع اساسي شانيل فيتالومير اكوا
كتبت تدوينه كامله عنها تقدرو تشوفوها من هنا : http://soosmakeup.blogspot.com/2014/07/chanel-vitalumiere-aqua.html
افضل اوزع الأساس ب فرش ماحب اوزعه بيدي احس مايتوزع بشكل مضبوط
انا وجهي الحمدلله مافيه حبوب وهالاتي خفيفه جدا ف استخدم نقطه من كونسيلر فور ايفر تغطيته فل كفر , جدا جميل وخخفيف ع البشرة , افضل اوزعه بأصباعي بالطبطبه لانه بسرعه ينشف ف يبغالك تدمجيه مع البشره بسرعه
بعدها احط فوقه كونسيل شانيل يعطي اضاءه ومنظر صحي لتحت العين .
اثبت الكونسيلر ببودرة توم فورد او سكسي ماما
الثنتين حلوين بس افضل بودرة توم فورد على سكسي ماما , بأذن الله بسوي تدوينه كامله عن بودرة توم فورد $
اخر شي اسوي كونتور خفيف لوجهي بس اطراف الخد والانف
استخدم بالبداية الكونسيلر الكريمي من مابيلين وادمجه بفرشة من ريل تكنيك
لازم ادمجه كويس لأنه بسرعه ينشف , اخر شي فوق الكونتور احط بودرة شانيل بس لمسات خفيفة . ماتتخيلو قد ايش البودرة تعطي لبشرتك مظهر صحي وجميل $
واحلى شي فيها واقي من اشعة الشمس يعني مره تنفع للصبح , حتى لو حطيتيها بدون اساس عادي تعرفو بعض البودرات كيف يجي شكلها زي الطحين بالوجهه ؟ هذي غير ابدا تندمج مع البشرة بشكل مره حلو ,
بالنسبة لي هذا روتيني اليومي بالفاونديشن , وانتم كيف روتينكم ؟ $_$
* twitter & Instagram: @soosmakeup
الخميس، 3 يوليو 2014
Chanel Vitalumiere Aqua - اساس شانيل فيتالومير اكوا
صباح الخير $*
اليوم حابة اتكلم عن اساس شانيل ڤيتالومير اكوا الأساس الي وقعت في غرامة الفترة الأخيرة ههههههههه لدرجة ماصرت استخدم غيره .
الأساس يجي في علبة بلاستيك خفيفة وسهل لو بتاخذيها معك اي مكان ، وكمية المنتج في داخل العلبة 30ml نفس أغلب الأساسات لكن شكل العبوة خلاني اتوقع انه أقل منهم .
اللي يميز الأساس عن غيره قوامه سائل وخفيف جداً على البشرة وكمان لاحظت انه مايبين المسامات زيي اغلب الأساسات ، ايضاً لاحظت انه يناسب جميع انواع البشرة
بالنسبة لتغطيته ف هي من خفيف الا متوسط ماينفع للي في وجههم حبوب او مشاكل لان ماراح يغطيها ولكن يغطي اثار الحبوب الي بتكون فاتحة ثباته ممتاز جداً بيكون ثابت تقريباً ل 7 ساعات ، ومرات اثبته ب شوي من بودرة توم فورد ويجلس معي لوقت اطول .
يحتوي على واقي من اشعة الشمس الضارة ب نسبة 15
النتيجة النهائية :
يعطيي مظهر صحي ومشرق
ب اضاءه خفيفة جدا يعني تقريباً نهايته بين المات والديوي وايضاً يعطي البشرة الترطيب الكافي اللي تحتاجه بدون مايكون الوجه مزيت او تحسي انه مدهن .
كيف استخدمه :
في البداية لازم ترجي العبوة كويس وبعدين لما تفتحيه تضغطي العبوه ضغطة خفيفة ويخرج لك الأساس ، بالنسبة لي ضغطة وحدة تكفي لكامل وجهي
اوزعه على بشرتي بشكل التنقيط وبعدها ادمجه مع بشرتي بفرشة ريل تكنيك .
قوامه السائل بيخلي سهل جداً توزعيه بالنسبة لي احب اوزعه بفرشة ريل تكنيك احس اسهل من لو بيدي .
اللي تدور عن اساس ينفع للصباح ويكون خفيف على البشرة وينفع للأستخدام اليومي ، وبيرطب البشرة في نفس الوقت وتغطيته تكون خفيفه ل متوسطة انصحها تجرب ڤيتالومير
سعره : 225
مكان الشراء : وجوه .
الجمعة، 30 مايو 2014
Rosy Glow Healthy Glow Awakening Blush
-
أحمر الخدود روزي قلو من ديور
Rosy Glow Healthy Glow Awakening Blush
من أخر مشترياتي كان بلاشر روزي قلو من ديور ، اللي يميز هالبلاشر عن غيره والسبب الي خلاني اشتريه انه يتفاعل مع لون بشرتك ف يعطيك اللون اللي بيناسبك ، اول ماجاني انصدمت من لونه صارخ جدا ولاتخيلت اني بحط لون كذا على بشرتي ، بس اول ماستخدمته اعجبني بشكل ماتتخيلوه اعطاني لون وردي فاتح تقريباً و مطفي ، بالنسبة للتعليب جداً انيق ويميزه كمان انه من تحت شفاف ، ثباته جدا رائع ل ٦ او ٧ ساعات ، اول مافتحته شدتني ريحته ريحة ورد *سألت بنت خالتي عن الريحة قالت ريحة نظافة *
فرشته كويسة وتنفع تستخدميها لكن انا ماستخدمها الا لو مستعجلة ، افضل فرشة البلاشر من ريل تكنيك .
بالنسبة للونه بالعبوة وردي صارخ ومطفي بدون لمعة ، سعره اشتريته من نوردستروم ب 166 تقريباً واضن هنا سعره 220 .
الاثنين، 24 فبراير 2014
MIDNIGHT GLOW HOLIDAY COLLECTION
مسائكم سعادة $*
قبل فترة نزل كولكشن لميك اب فور ايفر ليمتد اديشن , ومادري لو الكولكشن لسى موجود ولالا بس كان موجود اتوقع قبل اسبوع في فيسز
الكولكشن كان :
MIDNIGHT GLOW PALETTE -
باليت من 8 الوان من الظلال
AQUA ROUGE -
روج ثابت
MIDNIGHT GLOW STRASS -
نجوم نفس الي بالصورة * عن نفسي ماحبها ابدا * لكن ممكن تنفع للوك فانتازي
GLITTERS -
قلتر .
طبعا اللي اشتريته من الكولكشن هو الباليت والأكوا روج .
MIDNIGHT GLOW PALETTE -
الباليت موجود فيه 8 شادوهات , 2 منها مات *مطفية* و 6 منها شيمر *فيها اضاءه*
بالنسبة لي احب الشادوهات المطفيه بدرجات البني تقريبا ف اعتبر هالباليت الوانه جريئه .
ثباتها ممتاز جربتها بدون برايمر عيبها بالنسبه لي ان هالألوان من الظلال ماراح استفيد منها خصوصا اني ما اميل للظلال الي تكون بقلتر او شيمر وكمان بعض الألوان تتناثر معاك خصوصا الي بقلتر .
التغليف جدا ممتاز وانيق وسهل لو بتشيليه معاك بالشنطة *حجمة مقارب للأيفون فايف*
معاه فرشتين فرشه لتوزيع الظل ع الجفن وفرشه للدمج الشادو على خط الرموش
الفرشه تبع التوزيع جودتها متوسطة لكن فرشة الدمج جدا ممتازه لخط الرموش .
اكثر 3 شادوهات حبيتها بالبيت .
اول شادو البني الفاتح مشابه لشادو نيكد في نيكد1
ينفع توزعيه لكامل الجفن وينفع بكسرة الجفن بس وكمان ينفع لو بتستخدميه للكونتور
ثاني شادو حبيته البنفسجي :$
مع ان ماتوقع احطه الا في خط الرموش السفلي جدا حبيته وثباته ممتاز ومايتناثر زي باقي الشادوهات بالباليت الي بشيمر
ثالث شادو الأسود :
الأسود المطفي جدا جدا مهم في كل باليت لأن تقريبا اكثر اللوكات بتحتاجي اللون الأسود
اكثر لونين ماحبيتهم بالباليت الأبيض والسماوي الفاتح , ممكن لأني ماستخدمهم ماحبيتهم ابدا :$
هنا سواتش للشادوهات * مو من تصويري * :
تقيمي للباليت 7/10
AQUA ROUGE -
الأكوا روج عباره عن انبوب بجهتين جهة الروج بيجي سائل و اول ماتحطيه شوي يصير مطفي وينشف مره ف مايطبع لدرجة لو تحطي منديل ماحينزل معاك والجهة الثانيه قلوس قلتر لما تشوفيه من العبوه بتحسي انه قلتر ابيض بس لما تحطيه يصير عادي
من مميزات الأكوا روج جدا ثابت ل 8 ساعات تقريبا
عيوبه يبين تشققات الشفايف وينشف الشفايف جدا , ف لو بتستخدمي لازم تقشري شفايفك اول شي وبعدين ترطبيها .
مو كثير يفضلو هالنوع من الأرواج حتى انا ما افضلها لكن اعجبني هذا بثباته ف مرات احطه قبل الروج يصير يزيد ثبات روجي .
تقيمي له 9/10
* twitter & Instagram: @soosmakeup
الجمعة، 27 ديسمبر 2013
الأفضل للرموش والحواجب دبل لاش او رابيد لاش ؟
+
في الفترة الأخيرة جاتني اسئله كثيره حول عنايتي ب رموشي وسألتكم بأنستقرام لو حابين اتكلم عن عنايتي بشعري او رموشي وكان اغلبكم فضل الرموش , المنتجين الي بالصورة دايم تجي اسئله حولهم واي واحد الأفضل ؟!
دبل لاش فتره تجربته كانت 3 شهور للأمانه ماكنت منتظمه جدا فيه اما رابيد لاش شهرين تقريبا منتظمة , بداية حابة اوضح ان انتشرت افكار حول الرموش جدا خاطئة وكثيره من ضمنها قص الرموش عشان تطول !!
طبعا من الأقاويل الكاذبة ان الرموش بعد شهرين تطول وتكثر والا اخره , الموضوع فقط نصب و ع قول المثل العوض ولا القطيعه :/ يعني ارضي برموشك لو السالفه فيها قص , وكمان بيقولو الفازلين وزيت الخروع تطول وتكثر بس زيت الخروع مافكرت اجربه والفازلين متعب وثقيل , بالنسبه للمنتجين الي بالصورة استخدامها للعين جدا امن ومافيها خطورة بأذن الله , وشي مخصص ل تقويه الرموش وتكثيفها وتطويلها , واغلى شي العين ف لاتخاطري بتجربة اشياء شعبية او خلطات من اللي الان كثرو اللي يبيعوها .
RAPIDLASH SERUM :
رابيد لاش , أول ماعرفت عنه كان من الجميلة منى وطلبته اول ماخلصت التدوينه تبعها على طول , هو بيطول وبيقوي الرموش وشعر الحاجب وبيعطيهم كثافه كمان طبعا مع الأستمرار , استمريت عليه لأكثر من 6 اسابيع لاحظت ان رموشي تغيرت جذريا في الكثافة ممكن 40% والطول 60% , اول لما بصور صورة لعيني كانت ماتوضح رموشي $ الأن جدا واضحة رموشي , امررها ع رموشي الي فوق والي تحت , في البداية كان يزعجني وتحسي زي الشي الغريب بعينك بس بعد كم مره تستخدميه يختفى هذا الوخز البسيط .
مكان الشراء : amazon
سعره : 40% وتلاقي عليه خصم بأمازون بيصير ب 27% او 29%
: double lash
دبل لاش بيسوي نفس الي بيسويه رابيد لاش والأثنين اعتبرهم جدا ممتازة ومهمه عند كل بنت خصوصا لو انها من الي بيحبو المسكرات *طبعا عبوة دبل لاش كنت خليتها لحواجبي وكانت خفيفه وتغيرت بججد صارت شوي اكثر من اول وللأمانه ماكنت منتظمه* طبعا العبوة قديمة لاتدققو $
من اهم الاشياء عشان تبقى رموشك جميله ماتنامي وفيها ماسكرة او في بعينك بقايا كحل او غيره , غير انها بتسبب لك مشاكل انتي في غنى عنها من اولها الهالات السودا !
زمان كنت عادي انام بالمكياج بس الحمدلله لحقت ع نفسي قبل تنعدم بشرتي $ ف اللي لساتها تنام فيه تلحق ع نفسها وتجيب المناديل المبلل للمكياج وبعدين تغسل وجهه بالغسول تبعها ونوم العوافي $_$
مكان الشراء : قزاز - صيدلية النهدي
السعر في الثلاثين اضن
اتمنى عجبكم الريفيو , ايش حابين تجربو رابيد لاش او دبل لاش ؟
السبت، 14 ديسمبر 2013
Moroccanoil Clarifying Shampoo : الشامبو المنقي من موروكان اويل
Moroccanoil Clarifying Shampoo :
الشامبو المنقي من موروكان اويل لونه عسلي عديم الرائحة تقريبا ينقي الشعر ويزيل رواسب المنتجات من على الشعر وايضا الكلور و والرواسب المعدنية بالمياه , لأن تراكم المنتجات على شعرك يعطيك مظهر شعر دهني , وغير صحي ابدا ويسبب لك مشاكل من اكبرها تساقط الشعر و تقصيفه , كمان لازم تستخدمي الشامبو المنقي بحذر ف لما تسرفي فيه بيجفف شعرك بشكل كبير , الأنسب استخدامه للشعر الدهني بالاسبوع مره , والشعر العادي بالأسبوعين مره والشعر المصبوغ والجاف مره بالشهر , لأن الشعر المصبوغ ممكن صبغتك يبهت لونها عن اول , وبعد الأستخدام تحتاجي بلسم او ماسك لأنه بيجفف الشعر جدا , طريقة استخدامه تحطيه على فروة الرأس وتدلكي فروة الراس دقيقه وبعدها تغسليه وبعدين تحطي البلسم او الماسك شوي وتغسليه .
الجميله منى نوهت ان الاغلب يشتكي من تساقط شعرهم وتقصفه بعد منتجات المكاديميا والسبب هو تراكم المواد المصففه للشعر والسيلكون ويمكن تفادي هالمشكله بأستخدام الشامبو المنقي مره بالأسبوع وهنا رابط لها تكلمت عن الشامبو المنقي بشكل متكامل :
سعر الشراء : $18.72
من امازون .
ask me : http://t.co/AH2rxyEbKV
* twitter & Instagram : @soosmakeup
الاثنين، 25 نوفمبر 2013
Fake Up Concealer & sexy mama كونسيلر فيك اب من بينفيت & بودرة سكسي ماما
يجمع كونسيلر fake up بين الكونسيلر والمرطب , قوامه خفيف وسهل جداً في التوزيع والدمج ومايتكتل معك . بالنسبة للعبوه ف هي عمليه جدا بعبوة اسطوانيه مثل الروج , وتقريبا الحجم قريب من الروج كمان , التطبيق بيكون مباشر من العبوه للعين وهالشي بيخلي استخدامه شخصي جدا والأفضل تمسحيه بشويش بمنديل يصير مايتجمع فيه البكتيريا .
الكونسيلر يكون بالوسط و الباقي المرطب *ماعرفت اوصف هالنقطه* :$ ، يحتوي الكونسيلر على فيتامين e $_$
يجي على ٣ درجات
١- لايت
٢- ميديم
٣- دارك
بالنسبه لي اخدت ميديم وكان جداً مناسب لي .
بما ان ترطيبه عالي ف يحتاج تثبيت اما بماك فكس او بودرة شفافه ,
تغطيته من خفيفة الا متوسطة وتناسب البشرة الجافه والعادية اما الدهنيه ماتناسبهم ابد
بيعطي اضاءه لتحت منطقة العين ، عني انا احطه بدون اساس لأن مشكلتي هالات خفيفه بس ف كنت ابحث عن كونسيلر خفيف يغطي هالاتي بدون مايكون ثقيل او لازم اساس ف لقيت fake up واتوقع ماراح اغيره الا لو لقيت افضل منه $_$
من عيوبه :
1- لو بستخدمه لحاله ماتمر ساعتين الا واختفى ف يحتاج تثبيت اما ببودرة شفافه او ماك فكس .
2- المنتج قليل يعني مع الأستخدام اليومي بيخلص بسرعه .
3- درجاته محدودة جدا ف ممكن ماتلاقي الدرجة الي تناسبك .
استخدم معاه البيوتي بلندر او فرشاة الدمج من ريل تكنيك وبعدها اثبته بالبودرة الشفافه من ذا بالم
البودرة الشفافه من ذا بالم تثبته تقريبا ٦ ساعات وماتخليه يتجمع او يتكتل ، هي بتكون اللمسة الأخيرة بالمكياج وكمان تمتص الدهون عشان كذا لما احطها تحت عيني احط كمية بسيطة جدا يصير
وتصغر المسام بنسبه بسيطة ، واللي يعانو من البشرة الدهنيه او منطقة الجبهة والأنف انصحهم فيها لأنها تشيل اللمعان والدهون من الوجه , اول ماشتريتها فتره كبيره قعدت بالدرج ولا حبيتها الا مع هالمنتج بس لغرض التثبيت .
ask me : http://t.co/AH2rxyEbKV
* twitter & Instagram : @soosmakeup
الثلاثاء، 12 نوفمبر 2013
NO TANGLE STYLER BRUSH فرشاة فك التشابك
فرشاة no tangle لفك تشابك الشعر
بالنسبة لي ب فرش الشعر ابداً ما استخدم البلاستيك وافضل فرشاة الخشب ب كثير عنها .
فرشاة no tangle تأتي بأسنان طويلة والأخرى قصيرة لتسهيل عملية فك تشابك الشعر بدون تقطيع او تشابك ايضا تسهل عملية فك تشابك الشعر بوقت اقل من الفرشاة العادية و مصممه حيث تلائم شكل اليد عند تسريح الشعر
ايضا مناسبه لتدليك فروة الرأس وتنشيط الدورة الدموية ،
لأنها بلاستيك ف هي تستخدم والشعر رطب تقريبا ف يبقى الشعر ناعماً غير متشابك او متطاير .
بالنسبه لي استخدمه مع
Macadamia Natural Oil No Tangle
من مكاديميا ، ويفضل ل فك التشابك البدء من اطراف الشعر الى فروة الرأس ،
عند فك التشابك والبدء من فروة الرأس ل اطراف الشعر يتجمع الشعر المتشابك بأطراف الشعر حيث يتم تمشيطها بقوة لفك التشابك مما يؤدي ل تقطيع الشعر و تكسيره ،
قد لاحظت من عيوبها لو اليد رطبه قد تنزلق من اليد
ايضا احس ماتناسب الشعر الكثيف وتناسب بشكل اكبر الشعر الخفيف
Macadamia Natural Oil No Tangle
من مميزاته انه جدا خفيف ف ماتحسي مثلا ان شعرك مزيت , ويرطب الشعر ويزيل عنائء التشابك بأقل وقت ممكن ومناسب جدا للشعر المتطاير .
ايضا يحتوي على حماية فوق الأشعة البنفسجية الضارة للشعر .
ايضا لاحظت عند فك التشابك انه اكثر سلاسة معاه حيث انه يفك تشابك الشعر بدون اتلاف او تكسير للشعر , يستخدم والشعر رطب لأفضل النتائج حتى لو استخدم والشعر جاف عادي لكن الأفضل وهو رطب .
كنت استخدمه مع المشط الخشبي من بودي شوب وكان يعطيني نتائج جدا جميلة وماقدر استغني عنهه
.
الأنستقرام : @soosmakeup
تويتر : @soosmakeup
الاثنين، 28 أكتوبر 2013
BROW KIT VALUE SET - MEDIUM
مجموعة الحواجب من سيقما .
السلام عليكم 🌹
صباحكم سعادة وتفأول .
كنت اتصفح امازون وماكان في بالي شي محدد وفجأه لقيتني طالبة مجموعة الحاجب الجديدة من سيقما ، طلبت درجة ميديم وماندمت ابدا ❤️❤️ ، واصنفها ممن الأفضل للحاجب لدرجة لما جبتها صرت ماستخدم غيرهم !
العلبه كرتون بداخلها :
١- فرشاة مشطوفه مخصصه للحاجبين *angles brow e75*
٢- فرشاة الماسكرة مخصصة للحاجيبين والرموش *80*
٣- بودرة حواجب بلونين لايت وميديم
٤- قلم حواجب بدرجتين دارك و ميديم
٥- قلم كونسيلر يأتي باللون الوردي و هايلايت
اول شي اتكلم عن اكثر شي حبيته الي هو بودرة الحواجب :
كانت لي تجربة مع بودرة الحواجب من بودي شوب لكن ماحبيتها لحالها باهته وماتثبت واللون مايطلع بسهوله ! اما من سيقما ف اللون يبان على طول وثابت 🌹🌹 استخدم لبداية الحاجب اللون الفاتح وباقي الحاجب الغامق
ومرات اخلط الثنتين مع بعض❤️❤️
علبتها بلاستيك بشكل دائري بدون مرايا .
اعطيها ٥/٥
ثانيا الفرشاة المشطوفه
بالنسبه للفرشة المشطوفة ف نالت على اعجابي جدا واعتبرها من اروع الفرش الي مرت علي للحواجب ! في بعضها نكون مشطوفه بس ناعمه جدا ماتفيد للحواجب اما هاذي نعومتها وسط تقريبا وتبين اللون على طول
اعطيها ٥/٥
الفرشة تبع الماسكرة ؛
عادية زيي اي فرشة تدمج و ترتب *من الفرش الي ماهتم لجودتها ابدا و الي بريالين تفيد بالغرض *
الهايليت :
اول ماشفت الوردي المطفي قلت كيف بيجي ! ماني متعودة احط شي وردي لحاجبي :|
لكن جربت احطه واخفف منهه طلع جججددا حلو يبرز الحاجب بشكل مرتب وكمان حلو لمدمع العين وداخل العين ، ايضا الهايلات اعجبني ثابت ومو الي تحسيه قليتر ! لا بالعكس اضاءه جدا ناعمه
اعطيها ٥/٥
قلم الحواجب :
يتكون من درجتين درجه غامقه ودرجة وسط
جدا جميل بالرسم يبان معك ع طول وثابت لكن فيه قلتر صحيح بيخف لما تحطيه لكن ماحبيته !!
ووقت العجلة ارجع له طبعا
اعطيها ٣/٥
الطلب من امازون او موقعهم الرسمي
ب 48 دولار $*
.
الأنستقرام : @soosmakeup
تويتر : @soosmakeup
الاشتراك في:
الرسائل
(Atom)