إظهار الرسائل ذات التسميات TAG. إظهار كافة الرسائل
إظهار الرسائل ذات التسميات TAG. إظهار كافة الرسائل
الخميس، 26 سبتمبر 2013
Beauty Blogger Tag♥تاق مدونات الجمال ♥
صباح الخير
من قبل فترة جاتني دعوة من الجميلة ؛ roysh للمشاركة بالتاق
وبسبب انشغالي الأيام الي فاتو اول مافضيت قمت اجاوب $
القوانين :
- التصريح بان التاق دا كان من ابتكار the beau bow
- أختار 5 بيوتي بلوقرز
- أعنون الموضوع باسم التاق عشان ينعرف
وبسم الله نبدأ
1) سمِ روتين جمالي نادراً تسويه؟
رسم حواجبي $_$
2) هل غسل فرش المكياج حاجة دورية بالنسبة لكِ ؟
طبعا اكيد وبصفة عاملة احب تكون عندي فوطة صغيره فيها شوي منظف الفرش وامرر عليها الفرشة قبل الأستخدام
3) قد ايش تقعدي بطلاء أظافر مشوه؟
قد ما احس منظره ججدا مو حلو الا انه يجيني عجز انزله
وانزلهه اول مافضى ع طول $_$
4) قد ايش تؤجلي شراء أو استبدال مستحضر بالرغم من مدى حاجتك إليه ؟
مافتكر احتجت شي بضرورة اشتريه بسرعه
حتى لو احتجت ادونه عندي ومتى مانزلت السوق شريته
5) ايش هي أسوأ عادة جمالية لكِ؟
الروج امسحه كل شوي وارجع احطه حتى لو كنت قبل شوي حاطته
:(
6) سمي حاجة غير متعلقة بالجمال دايماً تؤجليها
ترتيب اغراضي :".
7) لمن مخططة تخرجي ، هل تستعدي من بدري ولا في آخر لحظة؟
اجمل شي فيني حتى لو سهرة كبيرة ممكن اخلص خلال ساعتين ف عادي عندي لو استعد بأخر لحظة
لكن مرات تصير عواقب لدا الشي
8) تقدري تلتزمي بفكرة انك تمنعي نفسك من النزول للسوق و الشرا؟
اذ في سبب ممكن $
9) قد ايش مجموعة مكياجك و مناكيراتك مرتبة ؟
اقدر اقول ٧٠ بالميه
ومناكيري مرتبة تماما
10) أطول فترة قعدتِ فيها بدون ماتكتبي بوست عالبلوق تبعك؟
الفترة دي جججد مره انشغلت عن التدوين وراجعه لكم بأذن الله ♡♡
أختاري 5 بيوتي بلوقرز عشان يجاوبوا عالتاق♡♡
-
Makeup by Mimiz
-
مدونة إليجنت قيرل
-
مدونة غيمة تسعة☁'
-
مدونة عناية وجمال
-
Sara Khalil
الخميس، 11 يوليو 2013
ايش في شنطة مكياجي ؟
مسآء الخير $*
طبعآ كلنا عآرفين انو اهم شي بشنطة اليد هي * شنطة مكياج صغيره تآخديها معك *
وآهم شي بالشنطة تكون شآملة كل شي عشآن يكون شكلك دآيمم مرتب $*
دي الأشياء الي دايم آحب تكون معي بالشنطة
1- روج من شانيل كريمي جدا
2- بوسي تنت
3- بلاشر من نكس سبق وحطيته بمفضلاتي التجميلية
4- فرشاة للبلاشر الكريمي
5- هاي بيم
6 - فاونديشن من بينفيت *Hello Flawless Oxygen Foundation*
7- روج من ماك
8- روج من ريفلون * للأمانه مو لي بس آعجبني لونه :$ *
9- فرشاة الكونتور من ريل تكنيك
10- جل ايلاينر من مابيلين
11- فرشاة الأيلاينر من سيقما
12- فرشاة مشطوفة من كوستال سنتس
13- مآسكرة باد جل من بينفيت
14- بودؤة الحواجب من ماك
15- مبرد اظافر للطواريء $*
16- مرطب من بيزلين
اول شي الهآي بيم و الفآونديشن , مقاساتهم ميني وهذا الشي يخليني آشيلها معاي بأي مكان لصغر حجمها
تكلمت عن الفآونديشن هنا وايضا تكلمت عن الهاي بيم في اكثر من تدوينه
حتكلم عنهم ع السريع
فآونديشن يومي تغطيته من خفيف الا متوسط يحتوي على SPF 25 ينآسب البشرة الجافة والعاديه اكثر من الدهنية , لو بشرتك دهنية تحتاجي بآودر للتثبيت خالي من العطور والزيوت وايضا يحتوي على فيتامين C & E يعمل بالمضحة علبته شفافة تشوفي كم آستهلكتي عن نفسي طول على بشرتي ممكن 6 ساعات في بنات قالو سآعتين ويبدآ يخفف يحتوي على 9 درجات بأسآمي جميلة $_$
الدرجات :
'I'm Pure 4 Sure' Ivory
'I'm Plush and Precious' Petal
'Cheers To Me 'Champagne *درجة الي في البوكس *
'I'm So Money 'Honey
'I'm All The Rage 'Beige
'Warm Me Up 'Toasted Beige
'I'm So Glamber 'Amber
'I'm Hopelessly Hot 'Hazelnut
'Gotta Know Me 'Nutmeg
الهاي بيم :
آحب اخلطه مع الفآونديشن يعطيني اضاءه ووجه صحي ونظآرة لونها على لؤلؤي كدا طبيعية جدا ماتحسي انو قليتر ع وجهك !
ايضا مرآت آحطها فقط ع عظمة الخد والأنف وفوق الشفايف ع طول والحاجبب
هنا وضحت فين احطها :
آعشق الأشياء الكريمية $_$
هنا بلاشر من نكس < آنمسح الأسم $*
وبوسي تنت سائل تقريبا متمآسكك شوي < ي رب فهمتو
لمآ آبغى بلاشر فيه شيمر استخدم نكس ولمآ آبغى شي طبيعي آستخدم البوسي تنت
طبعآ بلاشر نكس رقمه 13 والأسم ممسوح :$
تكلمت عنهه في مفضلاتي التجميلية هنا *
فرشة من كوستال سنتس آحب آوزع فيها البلاشر الكريمي وبعدها آطبطب بيدي بشويش عشآن اد في خطوط تروح
مآسكرة باد جل من بينفيت تكثف طبعآ هي ضد المويا آحآول دآيم آستبدلها بشي مآيكون ضد المويآ لكن ججد مآشوفت شي يكثفف نفسسها $_$
ولأن اللحين مفتوحه تقريبا 6 مآسكرآت آحآول آخلصهم كلهم قبل ينتهي تاريخها :(
ف آنوع بالأستخدام ومرآت آستخدم اكثر من وحده ع رموشي
مرطب من بيزلين
ممره مره يرطب ودآيم كل مآيخلصص آرجع آشتريه
عيبه الوحيد يخلص بسرعه :(
جدا خفيف ع الشفايف آحب آحطه وبعد 5 دقايق كدا استخدم الروج
كونتور بهاما مااما الجميل
آفضضل كونتور جربته $_$
آستخدمه مع فرشاة ريل تكنيك تكلمت عنه بتدوينة هنا
بودرة الحواجب من بودي شوب
جميلة جدا لترتيب الحواجب
لأن حواجبي جدا خفيفه آحتآج تحديدها اولا وبعدين آعبيها بالبودرة
طبعا فرشتها سيئه ف آستخدم معها فرشة كوستال سنتس المشطوفه + ثباتها جدا سيء
ولقيت حل مع الثبات وهو ان بعد ماخد من البودرة آرش ع الفرشه من مثبت الميك اب من آربن ديكاي ويثبت معايا وجربت بماك فكس اثبتها لكن يصير اثقل لونه لكن مع تبع اربن ديكاي مآيتغير لونه
جل ايلاينر من مآبيلين
جدا جميلة تسآعدكك لو كنتي مبتدئه لأنها جل مو شي سائل
يعني لو غلطتي تقدري تمسحي بدون تخربي شي $_$
سوآده جدا فآحم لكن يبدآ يبهت بعد كم سآعه
الفرشآه الي آستحدمها جاتني هدية من سيقما لما طلبت طلبية
روج جدا كريمي احب احطه مع آي روج مات آو لحاله :$
ينفع للصببح مره جميل $_$
سوآتش هنا *
روج بليز مي الشهير من ماك
جدا جمميل *مات*
وروج من ريفلون مآت كمان
الفكرة انو تخلي لونين بشنطتك واحد فآتح وواحد غآمق للطواريء يعني
آو لمآ تدمجيهم تلاقي لون حلو كمممان
وممكن الأرواج تآخدي الي حطيتي منه لكن عموما انا دي الشنطة نادر مآغير فيها شي يعني اشيل روج او مآسكرة او حسيتها ثقيله بخفف منها
المبرد آهم شي مين مآنككسر ظفرها فجأه وبمنآسبه $_$
آفضل شي تشيلي مبرد خفيف
انا مبردي شريتو من الصيدلية الي حلو فيه انه كان كثير يمكن 24 حبه هيك حق كم آستخدام وترمميه
آتمنى عجبكم الريفيو ولاتنسو لو آشتريتو آي شي من الي قلت عنه آو آعجبكم
تقولون لي بالأنستقرآم او تويتر :$
ask me : http://t.co/AH2rxyEbKV
* twitter & Instagram : @soosmakeup
الثلاثاء، 18 يونيو 2013
اشياء خلصتها *
*
صبآح الخير ~
اليوم حبيت اسوي تدوينة خفيف وبسيطه$*
عن الأشياء الي خلصتها طبعا تعرفو لازم نستفيد من العلب وكدا
او تنرمي ودا بس الي لقيتها مخلصه ومارميتها :$
نبدأ ي جميلاتي
*كونسيلر من غارنييه الي هالاتها ججدا خفيفه تستخدمه جميل
غير ثابت , ماتوقع ينفع البشرات الدهنيه
الرول تبعه مممرره يريح العين كدا شي بارد ع عينك $*
ماتوقع اررمي العلبه عشان الرول حقها *_*
مرات احطه ك فآونديشن ع كامل الوجهه يججي جمميل
اعطيهه 9/10
* زيت الحية من دابر املا , المعروف انو يطول الشعر لكن ماحسيت في فرق بالطول
يعجبني خفيف ع الشعر احطهه بعد الشور شوي ممرهه ع الأطراف ووشوي لنص الشعر تقريبا
يعطي لمعه صححيه ويخفف النفشه الي بالشعر < الوصفف هههههههه
أعطيه 10/10
* منآكير ريميل *_* اللون جممممميييل اححبببهه
عندي بالتوب مناكير برجوا + ريميل
فرشهم عريضه الي تحطي مره وحده يعني شي جججدا مممريح
وثباتت وينشف بسرعه واللون من اول مره يبان
اعطيهه 10/10
* لوشن من بودي شوب لليد والأظافر ينعم ويرطب اليد ويقوي الأظافر وفيهه منه للأظافر
مرره جميل اعطيه 10/10
*هنا الشكل الجديد له الجديد اعجبني شكلو اكثر $*
اعطيهه 10/10
* عطر بريمر من قوتشي
ادممننت عليه لين خلصته لكن لما قالو لي اشتري ثاني قلت لا :/
ماحب عطر يخلص ارجع اشتريهه احب اغير
لكن ثباتهه كان شي ججججممميل يعني عادي ابخه ببلوزه وبعد اسبوع ارجع الاقي الريحه موجوده
وريحتتهه اجمممل لما يبرد $*
اعطيه 10/10
* زبدة الكاكاو من فازلين ومين مايعرفه ههههههههههههههه
مادري دي 3 او 4 علبه اخلصها من جد يسسستاهل ترطيبه جججمميل وعالي
اعطيه 10/10
* الروج الأول من ديبورا لونه جججدا جممميل لكن عيبه مو ثابت
اعطيهه ٧/١٠
الروج الثاني من شانيل طبعا اول شي اتكسر بعدين خلصتو هههههههههه
احمر اححمر يعني مو مايل ع اي لون درجته اضن 19 وبرجع اشتريههه
١٠/١٠
* زبدة الشيا من جرجنز
اول شي اي شي فيه زبدة الشيا اعرفي انو ترطيبهه جججمميل جججدا
ثاني شي ريحتته جميله مو نفس زبدة الشيا الخام
اعجببني وحشتري علبه ثانيه بأذن الله
اعطيهه 10/10
* مآسكرا من ماكس فآكتر اعجبني فيها انها تكثف وتطول واهم من دا كلو ماتكتل
تنفع يوميه لأنها مو ضد المويا
اعطيها 10/10
* مناديل جونسون للوجه الجاف
ججمميله ججدا حبيتها تنظف وتنزل حتى الماسكرا مو زيي حقت نيفيا ناشفه :/
تعرفو اوقات الكسل مافحالكك قطن ومزيل مكياج وحوسه دي اسسرع هههههههه
اعطيها 10/10 ومو اول مرره اشتريها
وخلصصنا
اتمنى اعجبكم التآق الخفيف دا :$
ask me : http://t.co/AH2rxyEbKV
* twitter & Instagram : @soosmakeup
الاشتراك في:
الرسائل
(Atom)